Եգիպտոսը պատրաստակամություն է հայտնել Գազայի հատվածից տարհանել «մոտ 7000» օտարերկրացիների և երկքաղաքացիների: Այս մասին հաղորդագրություն է տարածել Եգիպտոսի արտգործնախարարությունը:
Եգիպտոսի արտգործնախարարի օգնականը օտարերկրյա դիվանագետների հետ հանդիպման ժամանակ ասել է, որ Եգիպտոսը պատրաստվում է «դյուրացնել Գազայից օտարերկրյա քաղաքացիների ընդունումն ու տարհանումը Ռաֆահի անցակետով»:
Նշվել է, որ գործընթացում ներգրավված է «շուրջ 7000 մարդ՝ ավելի քան 60 ազգության»: Տարհանման գործընթացի շուրջ հստակ ժամանակացույց կամ մանրամասներ դեռևս չեն ներկայացվել:
Նշենք, որ հոկտեմբերի 7-ին ՀԱՄԱՍ-ի հարձակումներից հետո Իսրայելի և պաղեստինցի զինյալների միջև շաբաթներ շարունակվող բախումներից հետո առաջին անգամ երեկ բացվեց Ռաֆահ սահմանային անցակետը՝ թույլ տալով մարդկանց դուրս գալ Գազայից:
Հետևեք մեզ տելեգրամում
