Նոյեմբերի 5-ին Եգիպտոսում ՀՀ դեսպան Հրաչյա Փոլադյանը հանդիպում է ունեցել Կահիրեի առևտրային պալատի նախագահի առաջին տեղակալ Շերիֆ Յահյայի հետ։ Տեղեկությունը փոխանցում է Եգիպտոսում ՀՀ դեսպանությունը:
Հանդիպման ընթացքում քննարկվել են Հայաստանի և Եգիպտոսի միջև առևտրատնտեսական հարաբերությունների զարգացման հնարավորությունները, շեշտվել է երկու երկրների առևտրաարդյունաբերական պալատների միջև համագործակցության խորացման անհրաժեշտությունը։
Ընդգծելով երկու երկրների գործարարների միջև նոր կապերի ձևավորման և փոխադարձ ներդրումներ ներգրավելու կարևորությունը՝ զրուցակիցները պայմանավորվածություն են ձեռք բերել՝ աշխատանքներ իրականացնել 2024թ․ փետրվարին Կահիրեում նախատեսվող Հայ-եգիպտական միջկառավարական համատեղ հանձնաժողովի նիստի շրջանակներում գործարար համաժողով անցկացնելու ուղղությամբ։
Հետևեք մեզ տելեգրամում
