Իրանի Մազանդարան և Գիլան նահանգների մուտքը փակվել է՝ կորոնավիրուսի տարածումը կանխելու նպատակով։ Այս մասին տեղեկացրել է Մազանդարանի փոխնահանգապետ Հյուսեյին Հասաննեժադը։ Նա նշել է, որ մնալու նպատակով Իրանի արևմտյան շրջանից Մազանդարան եկող մեքենաների մուտքը նահանգ կարգելվի։
Բացի այդ, երկկողմանիորեն կդադարեցվի Մազանդարանի Ռամսեր շրջանի և հարակից Գիլան նահանգի քաղաքների միջև ցամաքային տրանսպորտային կապը։
Իրանի առողջապահության նախարար Սաիդ Նամակին կոչ է արել քաղաքացիներին՝ դպրոցական արձակուրդները չօգտագործել երկրի ներսում ճամփորդություններ ձեռնարկելու համար։ Նա նշել է, որ քաղաքացիների ելումուտը վերահսկելու նպատակով հատուկ հսկիչ կետեր կստեղծվեն այն քաղաքների մուտքերի մոտ, որտեղ կորոնավիրուսը հատկապես տարածված է։
Հետևեք մեզ տելեգրամում
