Հաքան Ֆիդանն ԱՄՆ-ում անդրադարձել է Հայաստան-Ադրբեջան գործընթացին

Թուրքիայի արտգործնախարար Հաքան Ֆիդանը Վաշինգտոնում ԱՄՆ պետքարտուղար Էնթոնի Բլինքենի հետ հանդիպումից հետո TRT-ի և Anadolu-ի հարցերին պատասխանելիս նշել է, որ հանդիպմանը քննարկել են նաև Ադրբեջանի և Հայաստանի միջև կարգավորման և խաղաղության բանակցությունների գործընթացը։

«Որպես Թուրքիա ասացինք, որ աջակցում ենք երկու երկրների միջև խաղաղության պայմանագրին և հնարավոր բոլոր ջանքերը գործադրում ենք դրա իրականացման համար։ Նրանք ևս այս հարցում նույն կարծիքին են, մտածում ենք, որ տարածաշրջանում կարգավորումը լինելու է ի շահ տարածաշրջանի»։