Իրանական Tahlilbazar կայքում հրապարակվել է հոդված, որտեղ անդրադարձ է կատարվել «Զանգեզուրի միջանցքի» վերաբերյալ Թուրքիայի տրանսպորտի նախարարի վերջին հայտարարությանը։
Հոդվածում ընդգծվել է, որ Իրանը, նախկինի նման, շարունակում է դեմ լինել «Զանգեզուրի միջանցքին», իսկ այդ հարցում Թեհրանի կողմից դրական ազդակների մասին թուրք պաշտոնյաների հայտարարությունները մանիպուլյացիոն բնույթ ունեն։
«Զանգեզուրի միջանցքի բացմամբ Թուրքիան ձգտում է թուլացնել տարածաշրջանում Իրանի դիրքերը։ Միաժամանակ, թուրքերն այնպես են ներկայացնում, թե բանակցում են Իրանի հետ, և Իրանը կանաչ լույս է նրանց ցույց տվել։ Բայց եթե խորանում ենք, Իրանն այդ միջանցքի կարիքը չունի, և բազմիցս հայտարարել է, որ Զանգեզուրը միայն օրինական հաղորդակցական ճանապարհ կարող է լինել, որը կապահովի Իրանի, Ադրբեջանի, Հայաստանի ու անգամ Թուրքիայի ու Կենտրոնական Ասիայի շահերը, այլ ոչ թե միայն Ադրբեջանի ու Թուրքիայի։ Զանգեզուրի կեղծ միջանցքի մասին նոր հայտարարություններն այն պարագայում են հնչեցվում, երբ Իրանը շարունակում է հաստատակամ մնալ միջանցքի հարցում իր դիրքորոշման մեջ»,-նշվել է հոդվածում։
Հետևեք մեզ տելեգրամում
