Վլադիմիր Պուտինը նախօրեին սատարել է առաջարկված սահմանադրական փոփոխությանը, որը թույլ կտա նրան վերընտրվել 2024 թվականին՝ զրոյացնելով նրա նախագահական 2 ժամկետները։
Սահմանադրական փոփոխությամբ տեղի կունենա մի օրենքի կասեցում, որը Ռուսաստանի նախագահներին սահմանափակում է երկու անընդմեջ ժամկետից հետո առաջադրվել:
Այս մասին գրում է «Պանորամա»-ն՝ «euronews»-ին հղումով։
Սա մի ճանապարհ է, որպեսզի 67-ամյա Պուտինը, որն առաջին անգամ նախագահ դարձավ 2000 թ.-ին, շարունակի պաշտոնավարել մինչև 2036 թվականը:
Ռուս պատգամավոր Վալենտինա Տերեշկովան առաջարկել էր կա՛մ հանել Ռուսաստանի նախագահի համար 2 անընդմեջ ժամկետի սահմանափակումը, կա՛մ զրոյացնել այն ներկայիս նախագահի՝ Պուտինի պաշտոնավարման համար:
Պուտինը և խորհրդարանի ստորին պալատն արագորեն հաստատեցին 83-ամյա նախկին խորհրդային տիեզերագնաց Տերեշկովայի ներկայացրած առաջարկը։
Պուտինը, սակայն, ասաց, որ Սահմանադրական դատարանը նախ պետք է պարզաբանի, թե արդյոք նոր փոփոխությունը չի հակասում երկրի գլխավոր օրենքին:
Հետևեք մեզ տելեգրամում
