Վրաստանում առաջին անգամ կորոնավիրուսով երեխա է վարակվել: Այս մասին գրում է «Aliq.ge»-ն՝ վկայակոչելով Թբիլիսիի Ինֆեկցիոն հիվանդանոցի տնօրեն Թենգիզ Ցերցվաձեն հայտարարությանը:
Հաղորդվում է, որ երեխան հիվանդանոց է տեղափոխվել խմբի հետ, որոնք ինքնամեկուսացված են եղել, վիրուսը նրանց մոտ հաստատվել է կրկնակի ստուգման արդյունքում: Ըստ տարածված տեղեկատվության, վարակված երեխան 12 տարեկան է:
Բացի այդ կորոնավիրուս է հաստատվել Վրաստանի շրջակա միջավայրի պաշտպանության և գյուղատնտեսության նախարարի տեղակալ Յուրի Նոզաձեի մոտ:
Նախարարության հաղորդմամբ, Նոզաձեն ինքնամեկուսացված էր, քանի որ իր ընտանիքի անդամի մոտ էլ էր հաստատվել վարակը։
«Անցած ուրբաթ օրն անցկացված նախնական հետազոտության արդյունքները բացասական էին, թեև փոխնախարարը շարունակում էր մնալ ինքնամեկուսացված»,- ասվում է հաղորդագրության մեջ:
Հիշեցնենք, Վրաստանում այսօր գրանցվել է կորոնավիրուսի միանգամից 8 դեպք: Այս պահի դրությամբ, ըստ պաշտոնական տվյալների, վարակվածները 23-ն են:
Հետևեք մեզ տելեգրամում
