Թեհրանը պահանջել է ՄԱԿ-ի Անվտանգության խորհրդի հրատապ նիստ հրավիրել՝ հետաքննելու Սիրիայում Իրանի հյուպատոսության վրա Իսրայելի հարձակումը և Իսրայելի կողմից միջազգային նորմերի ու իրավունքի սկզբունքների ակնհայտ խախտումը։
ՄԱԿ-ում Իրանի դեսպան և ներկայացուցչի տեղակալը նամակ է հղել ՄԱԿ Անվտանգության խորհրդի նախագահին և ՄԱԿ-ի գլխավոր քարտուղար Անտոնիո Գուտերեշին Իսրայելի կողմից Իրանի հյուպատոսության վրա հարձակումից հետո:
Նամակում ասվում է, որ Իսրայելն ամբողջովին պատասխանատու է նման ահաբեկչական հանցագործությունների հետևանքների համար՝ կոչ անելով ձեռնարկել համապատասխան միջոցառումներ:
Հիշեցնենք, որ երեկ Դամասկոսում Իրանի հյուպատոսության վրա հրթիռակոծություն է տեղի ունեցել, որի արդյունքում սպանվել է իրանցի 7 զինվորական՝ այդ թվում երկու բարձրաստիճան հրամանատար: Իրանը հրթիռակոծության մեջ մեղադրել է Իսրայելին:
Հարձակումը դատապարտվել է մի շարք այլ երկրների, այդ թվում՝ Արաբական Միացյալ Էմիրությունների, Ռուսաստանի, Իրաքի, Հորդանանի, Օմանի, Պակիստանի և Կատարի կողմից:
Հետևեք մեզ տելեգրամում
