Հայաստանում կորոնավիրուսով վարակվելու հաստատված դեպքերի թիվը հասել է 52-ի։ Այս մասին «Ֆեյսբուք»-ի ուղիղ եթերում հայտնեց ՀՀ առողջապահության նախարար Արսեն Թորոսյանը։
«Մինչ քիչ առաջ վերջացրեցինք ևս 50 թեստ։ Այսօր ընդհանուր առմամբ կատարել ենք 105 թեստ և բացի այն թվերից, որ ես քիչ առաջ հրապարակեցի, ուզում եմ ասել, որ ևս 7 թեստի արդյունքներ դրական են»,- ասաց Թորոսյանը։
Մինչ այդ Արսեն Թորոսյանը Facebook-ի իր էջում գրառում էր կատարել՝ հայտնելով, որ կա հաստատված 45 դեպք, 1-ն առողջացած։
Հետևեք մեզ տելեգրամում
