Ստամբուլի նահանգապետարանը արգելել է ապրիլի 24-ին Քադըքյոյի Սուրեյա օպերայի դիմաց հիշատակի միջոցառում անցկացնել։ Նշենք, որ թուրքական իշխանությունները նախորդ 2 տարիներին ևս արգելել էին այս նախաձեռնությունը։
Նախաձեռնության հեղինակը՝ «Ապրիլքսանչորսյան հիշատակի արարողության հարթակը» հայտարարությամբ է հանդես եկել, որում նշվել է․
«Առանց որևէ հիմնավորման մեր հիշատակի միջոցառման արգելումը դիտարկում ենք որպես հակաժողովրդավարական քայլ։ Այն պայմաններում, երբ ռասիստները, ներգաղթյալների թշնամիները կարողանում են միջոցառումներ անել այնպես, ինչպես ցանկանում են, ժողովրդավարացման կարևորագույն շրջադարձներից մեկը հանդիսացող 1915-ին առերեսվելու թեմայով իրականացվելիք միջոցառման «ոչ նպատակահարմար դիտարկումը» ժողովրդավարացման հարցում համառումի, ռասիստներին զիջման ցուցիչն է»։
Հիշեցնենք, որ համավարակից առաջ, սկսած 2010 թ․, Թաքսիմում, Թյունելում և Շիշհանեում ամեն տարի կազմակերպվում էին Հայոց ցեղասպանության տարելիցի միջոցառումներ։
Հետևեք մեզ տելեգրամում
