Ադրբեջանի պաշտպանության փոխնախարար Քերեմ Մուստաֆաևն այցելել է Թեհրան: Այս մասին գրում է իրանական merhnews լրատվամիջոցը:
Այցի շրջանակներում կայացել է Մուստաֆաևի և Իրանի ԶՈւ ԳՇ պետի տեղակալ Ազիզ Նասիրզադեի հանդիպումը:
Իրանի ԶՈՒ ԳՇ պետի տեղակալն ընդգծել է տարբեր ոլորտներում երկու երկրների հարաբերությունների մակարդակը բարձրացնելու անհրաժեշտությունը՝ հավելելով, որ «մշակութային, պատմական, կրոնական և քաղաքական ընդհանրությունները կարող են հարմար հիմք ստեղծել զինված ուժերի փոխգործակցության համար»։
Իր հերթին Մուստաֆաևը հավելել է, որ երկու երկրների ԶՈւ համագործակցությունը զարգանում է ռազմական համագործակցության հարցերով համատեղ հանձնաժողովի 3-րդ նիստի պայմանավորվածությունների շրջանակներում:
Պաշտոնյաները քննարկել են ռազմական համագործակցության զարգացման հարցեր, ինչպես նաև ընդգծել խորհրդակցությունների շարունակման անհրաժեշտությունը:
Հետևեք մեզ տելեգրամում
