Իսրայելի ռազմական գործողությունները Ռաֆահում հետընթաց են տարել ՀԱՄԱՍ-ի հետ բանակցությունները: Այս մասին Կատարի տնտեսական ֆորումի ժամանակ հայտարարել է Կատարի վարչապետ շեյխ Մուհամմադ բին Աբդուլռահման Ալ-Թանին՝ հավելելով, որ բանակցությունները «գրեթե փակուղի են մտել»:
«Հատկապես վերջին մի քանի շաբաթների ընթացքում մենք տեսանք, որ որոշակի թափ կա [խմբ.՝ բանակցություններում], բայց, ցավոք, ամեն ինչ ճիշտ ուղղությամբ չընթացավ. հենց հիմա մենք գրեթե փակուղային վիճակում ենք», – հայտարարել է Կատարի վարչապետը:
Ալ-Թանին ավելացրել է, որ Ռաֆահում ընթացող գործողությունները հետ են մղում բանակցությունները:
«Չկա հստակություն իսրայելական կողմից, թե ինչպես կարելի է դադարեցնել պատերազմը։ Չեմ կարծում, որ նրանք սա որպես տարբերակ են դիտարկում… նույնիսկ այն ժամանակ, երբ մենք խոսում ենք գործարքի մասին և գնում ենք դեպի պոտենցիալ զինադադար»,- ասել է Կատարի վարչապետը։
Նա հիշատակել է իսրայելցի քաղաքական շատ գործիչների հայտարարությունները՝ համաձայն որոնց Իսրայելի ԶՈՒ-ն շարունակելու է պատերազմը:
«Հստակություն չկա, թե ինչ տեսք կունենա Գազան սրանից հետո»,- ասել է Ալ-Թանին:
Հետևեք մեզ տելեգրամում
