Թուրքիայում իշխանամետ, իսլամամետ-պահպանողական ուղղվածություն ունեցող «Yeni Akit»լրատվամիջոցը նյութ է հրապարակել՝ «Թուրքիային բարկացնող քայլ Ադրբեջանի կողմից» վերտառությամբ։
Հրապարակումից ակնհայտ է, որ Ադրբեջանի ԱԳՆ-ի շնորհավորանքն Իսրայելին վերջինիս ազգային տոնի կապակցությամբ, որակվում է որպես թուրք հանրությանը զայրացնող քայլ։
Շեշտվում է, որ այդ շնորհավորանքը բացասական արձագանք է գտել պաղեստինյան հարցի հանդեպ մեծ զգայունություն ունեցող թուրք հանրության շրջանում։
Հիշեցում է արվում Իսրայելի հետ Ադրբեջանի ունեցած զենքի գործարքների մասին, ինչպես նաև այն պնդումների մասին, ըստ որոնց՝ Ադրբեջանը Ջեյհանի նավթամուղով վառելիք է մատակարարում իսրայելական ինքնաթիռներին:
Հետևեք մեզ տելեգրամում
