Մայիսի 28֊ին Թուրքիայի նախագահ Ռեջեփ Թայիփ Էրդողանի նախագահությամբ կայացած Թուրքիայի ազգային անվտանգության խորհրդի նիստի ընթացքում քննարկվել են նաև տարածաշրջանային և միջազգային հարցեր՝ ներառյալ Ռուսաստան-Ուկրաինա պատերազմը, Ադրբեջանի և Հայաստանի միջև խաղաղության գործընթացը, Իրանում տեղի ունեցած զարգացումները և Հունաստանի հետ հարաբերությունները։ Նիստի ավարտին հրապարակվել է գրավոր հայտարարություն, որում Հայաստան-Ադրբեջան գործընթացի վերաբերյալ նշվել է հետևյալը.
«Հաստատվել է մեր ցանկությունն առ այն, որ Ադրբեջանի և Հայաստանի միջև բանակցություններում գրանցված դրական զարգացումներն ավարտվեն պայմանագրով, որը կապահովի խաղաղություն։ Շարունակում ենք մեր աջակցությունը մնայուն խաղաղության հաստատման նպատակն հետապնդող բոլոր բարեմիտ ջանքերին»։
Հետևեք մեզ տելեգրամում
