Մալդիվների նախագահ Մուհամեդ Մուիզզուն, հետևելով Նախարարների կաբինետի առաջարկին, որոշում է կայացրել արգելել Իսրայելի քաղաքացիների մուտքը երկիր։ Այս մասին հաղորդվում է պետության ղեկավարի պաշտոնական կայքում։
«Կաբինետի որոշումը ներառում է անհրաժեշտ օրենքների փոփոխություն՝ իսրայելական անձնագրեր ունեցողներին Մալդիվներ մուտքն արգելելու համար, ինչպես նաև կառավարությունում հանձնաժողովի ստեղծում՝ այդ գործողությունները վերահսկելու համար», – ասվում է հայտարարության մեջ:
Մալդիվների նախագահը նաև որոշել է նշանակել հատուկ բանագնաց՝ գնահատելու պաղեստինցիների կարիքները և կազմակերպելու դրամահավաք արշավ Պաղեստինի օգնության համար՝ ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալության աջակցությամբ: Բացի այդ, նախատեսվում է համազգային հանրահավաք՝ «Մալդիվները համերաշխ են Պաղեստինի հետ» կարգախոսով։
Հետևեք մեզ տելեգրամում
