«YouGov» բրիտանական կազմակերպությունը նոր հարցումներ է անցկացրել՝ համաձայն որի գերմանացիների 40 տոկոսը կարծում է, որ Գերմանիան պետք է ճանաչի Պաղեստինը որպես անկախ պետություն:
Հարցման համաձայն՝ հարցվածների 27 տոսկոսը դեմ է եղել նման քայլի, իսկ 33 տոկոսը՝ վստահ չի եղել նման որոշման մեջ:
Հարցումը նաև ցույց է տվել, որ գերմանացիների մեծամասնությունը հավանություն չի տալիս Իսրայելի ռազմական հարձակմանը Գազայի հատվածում, ընդ որում՝ հարցվածների 51 տոկոսն ասել է, որ կաջակցի Իսրայելի դեմ ԵՄ տնտեսական պատժամիջոցներին:
Նշենք, որ Գերմանիայի կանցլեր Օլաֆ Շոլցի կառավարությունը բազմիցս մերժել է Պաղեստինը պաշտոնապես ճանաչելու կոչերը՝ հայտարարելով, որ ճիշտ ժամանակը չէ:
Հիշեցնենք, որ այս շաբաթվա սկզբին Սլովենիան ճանաչեց Պաղեստինը որպես անկախ պետություն՝ հաջորդելով Իսպանիային, Նորվեգիային և Իռլանդիային, որոնք նման գործընթաց էին մեկնարկել նախորդ ամսում:
Հետևեք մեզ տելեգրամում
