Թուրքիայի արտգործնախարար Հաքան ՖԻդանը շարունակում է հանդիպումներ ունենալ Ռուսաստանի Նիժնի Նովգորոդ քաղաքում անցկացվող BRICS-ի անդամ պետությունների արտգործնախարարների հանդիպման շրջանակներում:
ԲՐԻԿՍ-ը (անգլ.՝ BRICS — Brazil, Russia, India, China, South Africa բառերի հապավում) 9 երկրի միջազգային տնտեսական միություն է: Այն հիմնվել է 2006-ին:
Հունիսի 11-ին Ֆիդանը հանդիպել է ՌԴ արտգործնախարար Սերգեյ Լավրովի հետ: Կողմերը քննարկել են երկկողմ և տարածաշրջանային հարաբերությունները:
Թուրքական արտաքին քաղաքական գերատեսչության ղեկավարը օրակարգ է բերել Թուրքիայի համար հետաքրքրություն ներկայացնող մի շարք հարցեր: Անդարդարձ է կատարվել նաև Պաղեստինի Գազայի հատվածի շուրջ տիրող վերջին զարգացումներին:
Նախատեսվում է նաև Ֆիդանի հանդիպումը ՌԴ նախագահ Վլադիմիր Պուտինի հետ: Օրակարգի վերաբերյալ տեղեկություններ դեռևս չեն հաղորդվել:
Նշենք, որ հունիսի 11-ին կայացած նիստին քննարկվել են միջազգային անվտանգությանը, կայուն զարգացմանն ու համաշխարհային կառավարմանը վերաբերող հարցեր:
Հետևեք մեզ տելեգրամում
