ԱՄՆ պետքարտուղար Էնթոնի Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ: Այս մասին հաղորդագրություն է տարածել ԱՄՆ պետքարտուղարությունը:
«Պետքարտուղարը ողջունել է խաղաղ համաձայնագրի ուղղությամբ Հայաստանի և Ադրբեջանի շարունակական առաջընթացը և ընդգծել համաձայնագրի անհապաղ կնքման կարևորությունը: Նա վերահաստատել է ԱՄՆ պատրաստակամությունը աջակցելու կողմերի ներգրավվումը ցանկացած ձևով»,- նշված է հաղորդագրության մեջ:
Բլինքենը կրկին հորդորել է Ադրբեջանին հավատարիմ մնալ մարդու իրավունքների պաշտպանության միջազգային պարտավորություններին և անհապաղ ազատ արձակել բոլոր անարդարացիորեն ձերբակալվածներին:
Հետևեք մեզ տելեգրամում
