Պոլսի Հայոց Պատրիարք Սահակ Մաշալյանն կոչ է աջակցություն ցուցաբերել Դիարբեքիրի Սուր վարչական շրջանի 16-րդ դարի Սուրբ Սարգիս հայկական եկեղեցու վերանորոգման աշխատանքներին:
Շուրջ 3769 քառ. մետր տարածք զբաղեցնող եկեղեցին անխնամ է մնացել և ժամանակի ընթացքում քանդվել:
Վերջին անգամ այն վերանորոգվել է 1840 թվականին, դրա մասին արձանագրությունը պահպանված է Դիարբեքիրի հնագիտական թանգարանում:
Եկեղեցու վերանորոգման աշխատանքների համար Թուրքիայի մշակույթի նախարարության կողմից տրամադրվել է 5մլն թուրքական լիրայի չափ օգնություն, սակայն Դիարբեքիրի հայ համայնքի ներկայացուցիչներից Գաֆուր Թյուրքայի (Օհաննես Օհանյան) խոսքերով այն բավարար չէ։
Ապրիլի 26-ին կայանալու է աշխատանքների մեկնարկի արարողությունը, որին ներկա է գտնվելու նաև Սահակ Մաշալյանը։
Օհանյանի խոսքերով եկեղեցու վերականգնումը կնպաստի տուրիզմի զարգացմանը Դիրաբեքիրում։ Սուրբ Սարգիսը հայտնի է նաև Բրնձե եկեղեցի անունով, քանի որ 1950-1985 թվականներին այն օգտագործվել է որպես բրնձի մշակման ֆաբրիկա:
Նշենք, որ եկեղեցին վնասներ է կրել նաև 2023-ի փետրվարի 6-ին Թուրքիայում տեղի ունեցած ուժգին երկրաշարժի հետևանքով:
Հետևեք մեզ տելեգրամում
