Սիրիայի և Թուրքիայի միջև հարաբերությունների կարգավորումն ու հաշտեցումը կախված է թուրքական կողմից և նրա հավատարմությունից միջազգային բանաձևերին, միջազգային իրավունքի սկզբունքներին և բարիդրացիական հարաբերություններին: Այս մասին հայտարարել է Սիրիայի վարչապետի խորհրդական Աբդուլկադեր Ազուզը՝ էմիրաթական «Al-Ain» լրատվամիջոցի հետ զրույցում:
Սիրիացի խորհրդականի խոսքով՝ Դամասկոսն աջակցում է Թուրքիայի հետ հարաբերությունների կարգավորման բոլոր նախաձեռնություններին, որոնք հիմնված են մի պետության կողմից իր բոլոր տարածքների նկատմամբ ինքնիշխանության, ինչպես նաև ահաբեկչության և դրա դրսևորման բոլոր ձևերի դեմ պայքարի սկզբունքի վրա:
Ազուզը շեշտել է նաև, որ Սիրրիայի պետական կառույցները պետք է կարողանան վերադառնան բոլոր այն վայրերը, որոնց վերահսկվում են այլ ուժերի կողմից՝ նկատի ունենալով Իդլիբը, Աֆրինը և այլ վայրերը:
Նշենք, որ վերջին շրջանում ԶԼՄ-ներում հրապարակումներ են տարածվում Սիրիա-Թուրքիա հնարավոր հաշտեցման վերաբերյալ: Օրեր առաջ Reuters-ը գրել էր, թե Թուրքիայի նախագահը պատրաստակամ է «ցանկացած պահի» հրավեր ուղարկել Սիրիայի նախագահ Բաշար Ալ-Ասադին և վերականգնել երկկողմ հարաբերություններն «այն մակարդակով, ինչպես նախկինում էր»:
Հետևեք մեզ տելեգրամում
