Իրաքի նոր վարչապետ Ադնան Զուրֆին կոչ է արել միջազգային հանրությանը՝ չեղարկել Իրանի դեմ կիրառվող պատժամիջոցները։
Այս մասին վարչապետի պաշտոնակատարը մարտի 29-ին գրառում է կատարել «Twitter»-ում․ «Օգնեք կորոնավիրուսից տառապող Իրանին։ Այդպես Իրանը կկարողանա կանխել հումանիտար աղետը», – գրել է Զուրֆին։
Իրաքի վարչապետը հույս է հայտնել, որ Իրանի դեմ կիրառվող պատժամիջոցների չեղարկումը կամ դրանց մեղմացումը հնարավորություն կտա այդ երկրին դեղամիջոցներ գնել և ավելի արդյունավետ պայքարել համավարակի դեմ։
Հիշեցնենք, որ 2019թ․ դեկտեմբերին Չինաստանի Ուհան քաղաքում բռնկված կորոնավիրուսի համավարակը մինչ օրս տարածվել է աշխարհի գրեթե բոլոր երկրներում՝ խլելով շուրջ 34․000 մարդու կյանք։ Իրանը երկրորդ երկիրն էր Չինաստանից հետո, որտեղ վիրուսը տարածվեց մեծ արագությամբ։ Այսօրվա դրությամբ Իրանում համավարակի զոհերի թիվն անցել է 2600-ից։
Հետևեք մեզ տելեգրամում
