Հուլիսի 28-ին Իրանի հոգևոր առաջնորդ Ալի Խամենեին Մասուդ Փեզեշքիանին հաստատել է նախագահի պաշտոնում: Տեղեկությունը հայտնում է իրանական IRNA լրատվամիջոցը:
Փեզեշքիանի երդմնակալության արարողությունը տեղի է ունենալու հուլիսի 30-ին: Մինչև այդ Փեզեշքիանը նախագահի առաջին տեղակալ է նշանակել Մոհամմադ Ռեզա Արեֆին, որը 2001-2005թթ. ևս զբաղեցրել է այդ պաշտոնը՝ նախագահ Մոհամմադ Խաթամիի օրոք: Արեֆը եղել է նաև 10-րդ գումարման խորհրդարանի պատգամավոր:
Հաղորդվել է նաև, որ նորընտիր նախագահի հրամանագրով Մոհսեն Հաջի Միրզային նշանակվել է նախագահի գրասենյակի ղեկավար: Միրզային 2019-2021թթ. եղել է կրթության նախարար՝ Հասան Ռոհանիի կառավարությունում:
Հետևեք մեզ տելեգրամում
