Իտալական ավիաընկերությունը դադարեցրել է թռիչքները դեպի Իսրայել

Իտալական ITA Airways ավիաընկերությունը դադարեցրել է թռիչքները դեպի Թել Ավիվ և հակառակ ուղղությամբ: Այս մասին հայտարարություն է տարածել ITA Airways ավիաընկերությունը:

Հայտարարության համաձայն՝ թռիչքների դադարեցման պատճառը «Մերձավոր Արևելքում աշխարհաքաղաքական զարգացումներն են, ինչպես նաև ուղևորների և անձնակազմի անվտանգությունն ապահովումը»:

Թռիչքները դադարեցվել են մինչև օգոստոսի 6-ը։