Բելառուսի բանակի ռազմաօդային և ՀՕՊ ուժերի հրամանատար Անդրեյ Լուկյանովիչն այցելել է Թեհրան: Տեղեկությունը հայտնում է իրանական IRNA լրատվամիջոցը:
Թեհրանում Լուկյանովիչն հանդիպել է Իրանի բանակի հրամանատար Աբդոլռահիմ Մուսավիի հետ։
Հանդիպման ընթացքում Մուսավին ընդգծել է, որ Բելառուսն ու Իրանն ունեն ընդհանուր շահեր և մարտահրավերներ և հիշատակել երկու երկրների կողմից պատժամիջոցներին դիմակայելը։ Նա հավելել է, որ Բելառուսը ՆԱՏՕ-ի ընդլայնման դեմ ամուր պատնեշ է։
Իր հերթին բելառուս պաշտոնյան ընդգծել է, որ իր երկիրը դեմ է ՆԱՏՕ-ի ընդլայնմանը և Իրանի հետ ռազմական հարաբերությունների զարգացում է ցանկանում։ Նա Իրանի բանակի հրամանատարին հրավիրել է այցելել Բելառուս։
Հետևեք մեզ տելեգրամում
