Հայաստանի հունահռոմեական ոճի ըմբշամարտի պատանեկան հավաքականի անդամները նշանակալի հաջողություններ են գրանցել Հորդանանում կայացած Մ17 տարեկանների աշխարհի առաջնությունում: Նրանք նվաճել են 1 արծաթե և 2 բրոնզե մեդալ:
45 կգ քաշային կարգում հանդես եկող Մարատ Աճեմյանը դարձել է փոխչեմպիոն՝ եզրափակչում 3:6 հաշվով զիջելով չեզոք դրոշի ներքո ելույթ ունեցող Ասլանբեկ Կոստոևին: Մինչ այդ, Աճեմյանը տպավորիչ հաղթանակներ էր տոնել իրանցի, ադրբեջանցի և ուզբեկ մրցակիցների նկատմամբ:
Յուրիկ Մխիթարյանը (55 կգ) և Նարեկ Գրիգորյանը (65 կգ) ևս բարձր արդյունքներ են ցուցադրել՝ նվաճելով բրոնզե մեդալներ:
Հետևեք մեզ տելեգրամում
