Ադրբեջանի մայրաքաղաք Բաքվում ձերբակալվել է երիտասարդ քաղաքագետ Բահրուզ Սամեդովը՝ Հայաստանի հետ կապերի կասկածանքով: Ըստ նրա տատիկի՝ Զիբեյդա Օսմանովայի, օգոստոսի 21-ին Պետական անվտանգության ծառայության աշխատակիցները խուզարկել են Սամեդովի տունը՝ պատճառաբանելով, թե նա թմրանյութերի հետ է առնչվել, սակայն ոչինչ չեն գտել:
Ավելի ուշ փաստաբանը հայտնել է, որ Սամեդովը մեղադրվում է «դավաճանության» մեջ՝ հայերի հետ նամակագրության և Հայաստանի համար հոդվածներ գրելու կասկածանքով։ Սակայն Օսմանովան հերքել է այդ մեղադրանքները՝ նշելով, որ իր թոռը գիտական հետազոտություններով է զբաղվել և Չեխիայի Չարլզի համալսարանի դոկտորանտ է:
Սամեդովը հայտնի է եղել արևմտյան ԶԼՄ-ներում՝ Ադրբեջանի իշխանությունների մասին քննադատական նյութերով և մեկնաբանություններով: Նա նաև հայտնի է իր խաղաղասիրական հայացքներով:Նա OC Media-ի և Bakuresearchinstitute.org-ի հեղինակն է
Հետևեք մեզ տելեգրամում
