Թուրքիայի նախագահ Ռեջեփ Թայիփ Էրդողանը հայտնել է, որ «Ազգային համերաշխության» նախաձեռնություն են սկսում։
«Թուրքիա, մենք մեզ բավարար ենք» կարգախոսով հայտարարված արշավի նպատակն է նյութական աջակցություն ցուցաբերել կարիքավորներին։ Այդ նպատակով Թուրքիայի ընտանիքի, աշխատանքի և սոցիալական ծառայությունների նախարարությունը հատուկ հաշվեհամար է բացել։ Ստացված գումարները կուղղվեն այն քաղաքացիներին, որոնք նախօրոք կգրանցվեն պետական համապատասխան մարմինների կողմից։
Էրդողանը առաջինն է միացել արշավին և իր 7 ամսվա աշխատավարձն է փոխանցել։ Ըստ նախագահի հայտնած տեղեկության՝ նախաձեռնությանը միացել են նաև նախարարներ և գործադիրի այլ ներկայացուցիչներ, որոնց ընդհանուր նվիրատվությունների չափը հասել է 5 մլն 200 հազ. թուրքական լիրայի։
Նախաձեռնությանը միանալու մասին հայտնել են նաև Թուրքիայի մեջլիսի նախագահ Մուսթափա Շենթոփը, իշխող ԱԶԿ-ի դաշնակից-գործընկեր «Ազգայնական շարժում կուսակցության» նախագահ Դևլեթ Բահչելին։ Նրանք հաշվեհամարին խոստացել են փոխանցել իրենց 5 ամսվա աշխատավարձը։
Հետևեք մեզ տելեգրամում
