Թուրքիան առաջիկա տարիներին անպայման դուրս կգա ՆԱՏՕ-ից: Այդ մասին հայտնել է թուրք վերլուծաբան Սերհաթ Լաթիֆօղլուն, մեկնաբանելով Թուրքիայի՝ BRICS-ին միանալու պաշտոնական հայտը։
«Առաջիկա տարիներին Թուրքիան անպայման դուրս կգա ՆԱՏՕ-ից, կամ Թուրքիային կհանեն այդտեղից։ Դա անպայման տեղի կունենա, մենք դա կտեսնենք մոտ ապագայում»,- ասել է նա՝ մեկնաբանելով Անկարայի՝ BRICS-ին միանալու ծրագրերը։
Նրա խոսքով, BRICS-ի և Թուրքիայի հիմնարար սկզբունքներն արտաքին քաղաքականության և տնտեսության վերաբերյալ լիովին համընկնում են։
Հիշեցնենք, որ Կազանում հոկտեմբերի 22-24-ն անցկացվելիք BRICS-ի գագաթնաժողովին Հայաստանը կմասնակցի վարչապետի մակարդակով։ Գագաթնաժողովին նաև մասնակցելու է Թուրքիայի նախագահը։
Հետևեք մեզ տելեգրամում
