Երեկ ուշ երեկոյան Իսրայելի պաշտպանության բանակը հայտարարել է հարավային Լիբանանում գտնվող «Հեզբոլլահ»-ի դիրքերի ու ենթակառուցվածքների դեմ «սահմանափակ ցամաքային գործողության» մեկնարկի մասին:
Ըստ հայտարարության՝ գործողությունը հիմնված է ճշգրիտ հետախուզական տվյալների վրա և ուղղված է սահմանամերձ գյուղերում գտնվող թիրախների դեմ, որոնք անմիջական վտանգ են ներկայացնում Իսրայելի բնակավայրերի համար։
Ավելի վաղ Իսրայելի ռազմաօդային ուժերը զանգվածային հարվածներ էին հասցրել Լիբանանում «Հեզբոլլահ»-ի հետ կապված թիրախներին։ «Հեզբոլլահ»-ը, պարբերաբար հրթիռային հարձակումներ է իրականացնում Իսրայելի ուղղությամբ, ինչի հետևանքով տասնյակ հազարավոր իսրայելցիներ ստիպված են եղել լքել իրենց տները։
Գործողության ծրագիրը հաստատվել է երկուշաբթի երեկոյան Իսրայելի կառավարության նիստում։
Այս իրադարձությունների ֆոնին շարունակվում են Իսրայելին ուղղված զինադադարի կոչերը։
Հետևեք մեզ տելեգրամում
