Նոյեմբերի 19-ին Փարիզում Ադրբեջանի դեսպան Լեյլա Աբդուլաևան հրավիրվել է Եվրոպայի և արտաքին գործերի նախարարություն։ Նախարարության տարածած հայտարարության մեջ նշվում է, որ պատճառը «Բաքվում անցկացվող ՄԱԿ-ի կլիմայական փոփոխությունների շրջանակային կոնվենցիայի 29-րդ համաժողովին (COP29) Ադրբեջանի իշխանությունների կողմից Ֆրանսիայի և եվրոպացիների հասցեին հնչող անընդունելի արտահայտություններն են»։
«Ադրբեջանը պետք է դադարեցնի թշնամական գործողությունները»,-ասված է հայտարարության մեջ։
Նախարարությունը չի հստակեցրել, թե որ արտահայտության մասին է խոսքը, սակայն Ֆրանսիայի Կլիմայի հարցերով նախարար Ագնես Պանիեր-Ռունաշեր չեղարկել էր այցն Ադրբեջան այն բանից հետո, երբ Ադրբեջանի նախագահ Իլհամ Ալիևը Ֆրանսիային մեղարդել է «Կարիբյան ծովի տարածքներում հանցագործություններ» կատարելու մեջ։
Հետևեք մեզ տելեգրամում
