Առնվազն 540 հազար փախստական լքել է Լիբանանը այն բանից հետո, երբ սեպտեմբերի վերջին սկսվեց իսրայելական ռազմական գործողությունը շիական «Հեզբոլլահ» շարժման դեմ։ Այս մասին հայտնում է Լիբանանում ՄԱԿ-ի Հումանիտար հարցերի համակարգման վարչությունը։
Վարչության ներկայացրած փաստաթղթում նշվում է, որ 540 հազար մարդ (37% լիբանանցի և 63% սիրիացի) Լիբանանից անցել է Սիրիա, իսկ 34 992 լիբանանցի ժամանել է Իրաք։
Սեպտեմբերի 23-ին Իսրայելը «Հեզբոլլահ»-ի դեմ սկսեց «Հյուսիսի նետեր» գործողությունը, որի ընթացքում զանգվածային ավիահարվածներ է հասցնում լիբանանյան տարածքում շիա կազմակերպության ռազմական օբյեկտներին։ Հոկտեմբերի 1-ի գիշերը Իսրայելի բանակը հայտարարեց հարավային Լիբանանի սահմանային շրջաններում ցամաքային գործողություն սկսելու մասին։
Հետևեք մեզ տելեգրամում
