ՀՀ արտաքին գործերի նախարար Արարատ Միրզոյանը շնորհավորել է Մակա Բոչորիշվիլիին Վրաստանի ԱԳ նախարար նշանակվելու կապակցությամբ և բարձր գնահատել նախկին գործընկերոջ հետ համագործակցությունը։
«Շնորհավորում եմ Վրաստանի արտաքին գործերի նախարար նշանակվելու կապակցությամբ։ Ակնկալում ենք սերտ համագործակցություն Հայաստանի և Վրաստանի միջև ռազմավարական գործընկերության ամրապնդման, մեր ընդհանուր նպատակների առաջխաղացման և տարածաշրջանային կայունության ապահովման համար»,-X միկրոբլոգում գրել է Միրզոյանը։
ՀՀ արտաքին գերատեսչության ղեկավարը նաև շնորհակալություն է հայտնել Վրաստանի ԱԳ նախկին նախարար Իլյա Դարչիաշվիլիին՝ բարձր գնահատելով վերջինիս ջանքերը Հայաստանի և Վրաստանի միջև համագործակցության ամրապնդման գործում, որի արդյունքում այս տարի ստորագրվեց երկու երկրների միջև ռազմավարական գործընկերության մասին հռչակագիրը՝ հիմնված ավելի ապահով և խաղաղ տարածաշրջանում ընդհանուր արժեքների և շահագրգռվածության վրա։ Միրզոյանը Դարչիաշվիլիին հաջողություն է մաղթել նոր նախաձեռնություններում։
Հետևեք մեզ տելեգրամում
