Ապրիլի 13-ի առավոտյան՝ ժամը 11-ին հրապարաված տվյալների համաձայն՝ Հայաստանում կորոնավիրուսի հաստատված դեպքերի ընդհանուր թիվը հասել է 1039-ի: Նախորդ օրվա համեմատ դեպքերի թիվն ավելացել է 26-ով:
Այս մասին հայտնում է ՀՀ առողջապահության նախարարության հիվանդությունների եւ վերահսկման եւ կանխարգելման ազգային կենտրոնը: Այս պահին փաստացի բուժում է ստանում 814 հիվանդ, գրանցվել է մահվան 14 դեպք, ընդհանուր առմամբ իրականացվել է 7․631 թեստավորում:
ՀՀ ԱՆ խոսնակ Ալինա Նիկողոսյանը ֆեյսբուքյան իր էջում տվյալներ է հրապարակել եւս 1 մահվան դեպքով: ««Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 67-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, կինն ունեցել է ուղեկցող խրոնիկ հիվանդություն՝շաքարային դիաբետ»,-գրել է նա:
Հետևեք մեզ տելեգրամում
