Ֆրանսիայի նախագահ Էմանուել Մակրոնը հեռախոսազրույց է ունեցել Սիրիայի անցումային շրջանի նախագահ Ահմեդ Ալ-Շարաայի հետ։ Մակրոնն Ալ-Շարաային շնորհավորել է պաշտոնը ստանձնելու, երկիրը Բաշար Ալ-Ասադի իշխանությունից ազատելու կապակցությամբ և լիակատար աջակցություն հայտնել Սիրիայում անցումային փուլին։
Երկու երկրների նախագահները քննարկել են նաև Սիրիայի անվտանգությանն ու կայունությանը վերաբերող հարցեր, ընդգծել դրանք պահպանելու համար համատեղ աշխատելու անհրաժեշտությունը։
Նախագահ Ալ-Շարաան նաև նշել է ներկայիս խնդիրները՝ կապված սիրիացի ժողովրդի դեմ կիրառվող տնտեսական պատժամիջոցների հետ, և որ չեն կարող ավարտին հասցնել երկրի տարածքային ամբողջականության վերականգնման հարցը։
Հեռախոսազրույցի ավարտին նախագահ Ահմեդ Ալ-Շարաան Ֆրանսիայի նախագահից առաջիկա շաբաթներին Ֆրանսիա այցելելու հրավեր ստացավ։
Հետևեք մեզ տելեգրամում
