Վրաստանի ամենամեծ ընդդիմադիր «Մթավարի արխին» փետրվարի 15-ից դադարեցրել է մի շարք հաղորդումների և լուրերի հեռարձակումը։
««Մթավարի արխիի» համահիմնադիր Զազա Օքուաշվիլիի արհեստականորեն ստեղծած ֆինանսական ճգնաժամի պատճառով այս փուլում ուղիղ եթեր հեռարձակվող բոլոր հաղորդումները դադարեցվեցին։ Մենք այլևս միջոցներ չունենք ամենօրյա գործունեության համար»։ Մեդիան հայտնել է նաև, որ աշխատում են այլընտրանքային միջոցներ գտնելու համար,-նշված է լրատվամիջոցի հայտարարության մեջ։
Լրատվամիջոցի ներկայիս տնօրեն Գիորգի Գաբունիան դեկտեմբերին հայտարարել էր, թե Օքուաշվիլիին Բիձինա Իվանիշվիլիի հետ հանցավոր պայմանավարվածություն ունի՝ պնդելով, որ նա որոշել է օգտագործել հեռուստաընկերությունը որպես սակարկության առարկա իշխանությունների հետ իր իսկ իրավական պայքարում։ Օքուաշվիլին իր հերթին հայտնել էր, թե հեռուստաընկերության հիմնադիրներից Նիկա Գվարամիան և գլխավոր տնօրեն Գիորգի Գաբունիան արհեստականորեն թալանել և սնանկացրել են այն։
Հետևեք մեզ տելեգրամում
