Վրաստանի Ներքին գործերի նախարարությունը վերջին մեկ օրում արձանագրել է արատկարգ դրության ռեժիմի խախտման 198 դեպք:
Վրաստանի ոստիկանության տրամադրած տվյալների համաձայն, 90 մարդ տուգանվել է պարետային ժամը խախտելու համար: Դրանից բացի, 91 մարդ խախտել է 2 մետր սոցիալական հեռավորություն պահելու սահմանափակման կանոնները: Եվս 17 հոգու ոստիկանությունը տուգանել է ավտոմեքենայով տեղաշարժի կանոնները խախտելու համար: Սահմանված է, որ 3 հոգուց ավելի մարդ, ներառյալ վարորդը, պետք է միաժամանակ չլինեն ավտոմեքենայում: Վերջին մեկ օրում չեն արձանագրվել տնտեսական գործունեության հետ կապված սահմանափակումների խախտումներ:
Վրաստանում պարետային ժամի և արտակարգ դրության ռեժիմի խախտման դեպքում ֆիզիկական անձանց համար սահմանված է տուգանք՝ 3 հազարի լարիի կամ 950 ԱՄՆ դոլարի չափով գումար, և իրավաբանական անձանց համար 15 հազար լարի կամ 4 հազար 800 դոլար:
Նշենք, որ արտակարգ դրությունը Վրաստանում սահմանվել էր մարտի 21-ին: Մարտի 31-ին երկրում հայտարարվեց պարետային ժամ: Նախօրեին, որոշում էր կայացվել արատակարգ դրության ռեժիմի ժամկետը երկարաձգել մինչև մայիսի 10-ը:
Հետևեք մեզ տելեգրամում
