Էրդողան․ «Հայաստանի հետ կարգավորման գործընթացն առաջ ենք տանում»

Թուրքիայի նախագահ Ռեջեփ Թայիփ Էրդողանը դեսպանների հետ հանդիպման ժամանակ անդրադարձել է հայ-թուրքական կարգավորման գործընթացին։

«Մենք ինտենսիվացրել ենք մեր ջանքերը Հարավային Կովկասում բարօրության և կայունության համար։ Ինչպես առաջ ենք տանում Հայաստանի հետ կարգավորման գործընթացը, այնպես էլ սպասում ենք պայմանագրին, որը Հայաստանի և Ադրբեջանի միջև կհաստատի կայուն խաղաղություն»։