Վրաստանի վարչապետ Իրակլի Կոբախիձեն հայտարարել է, թե «ԱՄՆ-ի հետ ռազմավարական գործընկերության զրոյից վերականգնումն իրենց արտաքին քաղաքականության հիմնական առաջնահերթություններից է»։
«Այս առումով, իհարկե, կարևոր է մեր արտգործնախարարի և տիկին դեսպանի հանդիպումը»,-Առաջին ալիքին տված հարցազրույցում ասել է Վրաստանի վարչապետ Իրակլի Կոբախիձեն՝ պատասխանելով Մակա Բոճորիշվիլիի և Ռոբին Դանիգանի հանդիպման մասին հարցին։
Վրաստանի վարչապետը հայտնել է նաև, որ կողմերի միջև հանդիպումը կայացել է վրացական կողմի նախաձեռնությամբ։
Նշենք, որ օրեր առաջ Վրաստանի արտգործնախարար Մակա Բոճորիշվիլին ընդունել է այդ երկրում ԱՄՆ դեսպան Ռոբին Դաննիգանին։ Վրաստանում նոր կառավարության ձևավորումից հետո սա ԱՄՆ դեսպանի հետ առաջին հանդիպումն էր։
Հետևեք մեզ տելեգրամում
