Ապրիլի 15-ին Թուրքիայում աշխատող Ադրբեջանի մի խումբ քաղաքացիներ բողոքի ակցիա են կազմակերպել Ստամբուլում` Ադրբեջանի գլխավոր հյուպատոսարանի դիմաց։
Նրանք իրենց բողոքն են արտահայտնել Ստամբուլում Ադրբեջանի գլխավոր հյուպատոսությանը՝ նրանց աջակցություն չցուցաբերելու համար:
Ակցիայի մասնակիցներից Խաբիլ Մամեդովը, հայտնել է, որ կարանտինային ռեժիմի պատճառով նրանք չեն կարողանում աշխատել, ծախսել են իրենց վերջին խնայողությունները:
«Երբ ես տարածեցի տեսանյութը, «SOCAR»-ը յուրաքանչյուրիս 200 լիրա (55 մանաթ) հատկացրեց` սնունդ գնելու համար: Սակայն բնակարանների վարձավճարների բացակայության պատճառով տան տերերը վտարում են մեզ: Հարյուրավոր մարդիկ այս վիճակում են… Եթե հյուպատոսությունը մեզ չի օգնում, ապա ինչի համար է այն»,- ասել է Մամեդովը:
Չնայած այս բողոքներին, Ադրբեջանի դեսպանատունը հայտարարել է, որ դիվանագիտական առաքելությունն աշխատում է հայրենակիցներին աջակցություն ցուցաբերելու ուղղությամբ:
Ադրբեջանական «Real TV»-ն մեջբերել է դեսպանատան ներկայացուցչի խոսքերը․ «Առաջիկայում որոշում կկայացվի և ըստ այդմ կորոշվի, թե ում է գումար հատկացվելու բնակարանների վարձավճարները մարելու համար: Նախապատվությունը կտրվի ուսանողներին և այս երկրում ժամանակավորապես բնակվող Ադրբեջանի քաղաքացիներին»։
Հետևեք մեզ տելեգրամում
