ԱՄՆ նախագահ Դոնալդ Թրամփը հայտարարել է, որ մտադիր է ապրիլին կամ «մի փոքր ուշ» այցելել Սաուդյան Արաբիա, Կատար և ԱՄԷ։ Սպիտակ տան ղեկավարը նշել է նաև, որ Մերձավոր Արեւելք այցից հետո մտադիր է այցելել «այլ վայրեր», սակայն չի նշել, թե որ երկրները:
«Ես շատ լավ հարաբերություններ ունեմ Մերձավոր Արևելքում: Դա (ուղևորությունը) կարող է տեղի ունենալ ապրիլին, միգուցե մի փոքր ուշ»,-Սպիտակ տանը լրագրողներին ասել է Թրամփը:
«Մենք գնում ենք նաև Կատար և, հավանաբար, մի քանի այլ երկրներ: ԱՄԷ-ն շատ կարևոր է: Այսպիսով, մենք հավանաբար կանգ կառնենք ԱՄԷ-ում, Կատարում և Սաուդյան Արաբիայում, այդ երեքում: Եվ հետո մենք կգնանք այլ վայրեր, բայց այդ երեքը կլինեն Մերձավոր Արևելքում»,-ասել է ամերիկացի առաջնորդը:
Մարտի 30-ին Axios պորտալը, հղում անելով աղբյուրներին, հայտնել է, որ ԱՄՆ նախագահ Դոնալդ Թրամփը ծրագրում է մայիսի կեսերին այցելել Սաուդյան Արաբիա, ինչը կլինի ամերիկացի առաջնորդի առաջին արտասահմանյան այցը այս տարվա հունվարին պաշտոնը ստանձնելուց հետո։
Հետևեք մեզ տելեգրամում
