Վրաստանի նախագահ Միխեիլ Կղավելաշվիլին ապրիլի 14-15-ը պաշտոնական առաջին այցով կլինի Ադրբեջանում, իսկ ամսվա վերջ՝ Հայաստանում։ Այս մասին Հանրային հեռարձակողի «42-րդ զուգահեռ» փոդքասթի ապրիլի 2-ի թողարկման ժամանակ հայտարարել է Կղավելաշվիլիի միջազգային հարցերով խորհրդական Լուկա Էխվաիան։
Նա նշել է, որ Հայաստան այցի ամսաթվերը պետք է դեռ հստակեցվեն։
Վրացական ԶԼՄ-ները հայտնում է, որ վերջերս Կղավելաշվիլիի խորհրդական դարձած Էխվաիան սատարում է տարածաշրջանային «3+3» ձևաչափին Վրաստանի միանալուն, իսկ ԱՄՆ-ի կողմից Վրաստանի հետ ռազմավարական համագործակցության դադարեցումը համարում «մեծ քայլ ապագաղութացման ճանապարհին»։
Հետևեք մեզ տելեգրամում
