Անթալիայի դիվանագիտական ֆորումի շրջանակներում կայացել է հանդիպում Թուրքիայի արտգործնախարար Հաքան Ֆիդանի ու ՌԴ ԱԳՆ-ի ղեկավար Սերգեյ Լավրովի միջև։
Թուրքական պետական TRT լրատվամիջոցը, հղում անելով դիվանագիտական աղբյուրներին, նշել է, որ հանդիպմանը քննարկվել են ռուս-թուրքական հարաբերությունները, այդ թվում էներգետիկ ոլորտը, Սև ծովի նավագնացության անվտանգությունը, Ռուսաստան-Ուկրաինա պատերազմը, ինչպես նաև իրավիճակը Սիրիայում ու Գազայում։







