Ալժիրի իշխանությունները որոշում են կայացրել վտարել ֆրանսիացի 12 դիվանագետների։ Այս մասին հայտնում է Le Figaro թերթը՝ վկայակոչելով Ֆրանսիայի արտգործնախարար Ժան-Նոել Բարոյին։
«Ալժիրի իշխանությունները մեր 12 աշխատակիցներին խնդրել են 48 ժամվա ընթացքում լքել Ալժիրի տարածքը»,- նախարարի խոսքը մեջբերում է հրատարակությունը։
Ըստ Le Figaro-ի, խոսքը վարչական և դիվանագիտական անձնակազմի մասին է, որը կապված է Ֆրանսիայի ներքին գործերի նախարարության հետ: Արտաքին քաղաքականության դեպարտամենտի ղեկավարը հավելել է, որ Ալժիրը արտաքսում է դիվանագետներին՝ ի պատասխան Ֆրանսիայում Ալժիրի երեք քաղաքացիների ձերբակալության, որոնք կասկածվում են Ֆրանսիայի տարածքում իրավախախտումներ անելու մեջ: Թերթը պարզաբանում է, որ նրանք բերման են ենթարկվել ապրիլի 11-ին։
Ինչպես նշել է Բարոն, Ալժիրի այս քայլն անպատասխան չի մնա։
Հետևեք մեզ տելեգրամում
