Հայաստանը 2020թ․ պահպանել է իր դիրքերը «Լրագրողներ առանց սահմանների» միջազգային կազմակերպության կողմից կազմվող «Մամուլի ազատության վարկանիշում»։ 180 երկրներ ներառող ցանկում ՀՀ-ն այս տարի ևս, ինչպես 2019թ․, զբաղեցրել է 61-րդ հորիզոնականը։ Նշենք, որ 2019թ․ Հայաստանը 19 կետով բարելավել էր իր դիրքերը։
2020թ․ Հայաստանը առաջ է անցել Ուկրաինայից (96), Ռուսաստանից (149), Ուզբեկստանից (156), Ղազախստանից (157), Ադրբեջանից (168):
Ըստ զեկույցի՝ ամենից ազատ մամուլն ունեն Նորվեգիան, Ֆինլանդիան, Շվեդիան, Նիդերլանդներն ու Դանիան։ Ցանկի վերջին հորիզոնականներում տեղ են գտել Ջիբութին, Չինաստանը, Էրիթրեան, Թուրքմենստանը և Հյուսիսային Կորեան։
Նշենք, որ «Մամուլի ազատության վարկանիշը» հրապարակվում է 2002 թվականից, դրանում հաշվի են առնվում այնպիսի չափանիշներ, ինչպիսիք են լրատվամիջոցների անկախությունը, բազմակարծությունը, լրագրողների անվտանգությունն ու ազատությունը։
Հետևեք մեզ տելեգրամում
