Թուրքիայում գործող սոցիալիստական «Աշխատանք» կուսակցության (Emek Partisi) առաջնորդ Սեյիթ Ասլանը Հայոց ցեղասպանության տարելիցի կապակցությամբ իր գրավոր հայտարարությունում կրկին բարձրացրել է առերեսման անհրաժեշտության հարցը։
Հայտարարությունում նշվել է․
«110 տարի շարունակ Հայոց ցեղասպանության հետ չառերեսվելը, այս հարցում պաշտոնական դիրքորոշումը ստեղծել է մի մթնոլորտ, որում ճանապարհ է հարթվել նոր հանցագործությունների համար։ «Ակոս» թերթի գլխավոր խմբագիր Հրանտ Դինքի սպանությունը 2007թ. հունվարի 19-ին իր թերթի խմբագրության առաջ, տեղի ունեցավ որպես այդ հանցագործությունների շղթայի շարունակություն։ Իսկ սպանության պատվիրատուների և կազմակերպիչների շարունակական պաշտպանությունը՝ նույն քաղաքականության շարունակությունն է։
Առանց պատմության ծանր բեռների հետ առերեսվելու՝ այս հողում ժողովուրդների հավասար իրավունքներով, փոխադարձ վստահության վրա հիմնված երջանիկ ու խաղաղ ապագան հնարավոր չէ»։
Ermenihaber.am
Հետևեք մեզ տելեգրամում
