Թեհրանի միջուկային ծրագրի շուրջ ԱՄՆ-Իրան բանակցությունները լավ են ընթանում, և համաձայնության հասնելը կփրկի բազմաթիվ կյանքեր։ Այս մասին հայտարարել է ԱՄՆ նախագահ Դոնալդ Թրամփը։
«Կարծում եմ՝ Իրանի հարցում մենք շատ լավ ենք գործում։ Մենք շատ լուրջ հանդիպումներ ենք ունենում։ Բայց կա ելքի միայն երկու տարբերակ։ Եվ տարբերակներից մեկը լավը չէ»,-նշել է Թրամփը։
«Մենք կարող ենք շատ լավ լուծում ունենալ։ Եվ շատ կյանքեր կփրկվեն»,-ընդգծել է ԱՄՆ նախագահը։
Հիշեցնենք, որ ապրիլի 19-ին Հռոմում Օմանի դեսպանատանը մեկնարկել է Իրան-ԱՄՆ ոչ ուղիղ բանակցությունների երկրորդ փուլը։ Դրանք անցկացվել են նույն եղանակով, ինչ առաջին փուլում. ամերիկյան ու իրանական պատվիրակությունները գտնվում են առանձին սրահներում և միմյանց ուղերձներ են փոխանցում Օմանի արտգործնախարարի միջոցով։ Բանակցությունների առաջին փուլը կայացել էր Օմանի մայրաքաղաք Մասկատում ապրիլի 12-ին:
Հետևեք մեզ տելեգրամում
