Իսրայելի վարչապետ Բենիամին Նեթանյահուն առաջիկա օրերին կայցելի Բաքու՝ Սիրիայի շուրջ Իսրայել-Թուրքիա լարվածությունը մեղմելու և ինչպես նաև խթանելու Ադրբեջանի ինտեգրումը Աբրահամյան համաձայնագրերին։
Jerusalem Post-ը գրում է, որ Նեթանյահուն արտաքին գործերի նախարար Գիդեոն Սաարի հետ միասին ցանկանում է Աբրահամյան համաձայնագրերն ընդլայնել արաբական սուննիական աշխարհից դուրս՝ Ադրբեջանը դիտարկելով որպես հիմնական թեկնածու:
Արտաքին գործերի նախարար Սաարը ընդգծել է նման քայլի աշխարհաքաղաքական նշանակությունը:
«Ադրբեջանի կողմնորոշումը դեպի Երուսաղեմ հստակ ազդանշան է Թեհրանին»,-ասել է նա՝ նշելով, որ դա անհարմարություն է առաջացնում Իրանի ղեկավարության մոտ, որը զգուշանում է տարածաշրջանում իր ազդեցությունը կորցնելուց։
Նշենք, որ «Աբրահամյան արձանագրությունները» ստորագրվել են 2020 թվականին, համաձայն որի՝ Իսրայելը կարգավորել է դիվանագիտական հարաբերությունները Սուդանի, Բահրեյնի, Մարոկկոյի և ԱՄԷ-ի- հետ: Վերջին երեք պետությունների հետ Իսրայելն արդեն փոխանակվել է դիվանագիտական ներկայացուցչություններով, իսրայելցի բարձրաստիճան պաշտոնյաները տարբեր մակարդակի այցեր են կատարել այդ երկրներ: Բացի այդ, Իսրայելի քաղաքական շրջանակներում պարբերաբար նշում են, որ Իսրայելը ցանկանում է ընդլայնել «Աբրահամյան արձանագրությունների» շարքը: Սակայն որոշ արաբական երկրներ, օրինակ՝ Սաուդյան Արաբիան, հայտարարել են, որ անհնար է Իսրայելի հետ հարաբերությունների կարգավորումը՝ առանց պաղեստինյան խնդրի լուծման «երկու պետություն սկզբունքով»:
Հետևեք մեզ տելեգրամում
