Իրանի նավահանգստում տեղի ունեցած պայթյունի պատճառը ներքին անվտանգային խնդիրներն էին

Իրանի ազգային անվտանգության հանձնաժողովի անդամ Ալի Խեզրիանը հայտարարել է, որ Շահիդ Ռաջայի նավահանգստում տեղի ունեցած պայթյունը պայմանավորված է ներքին անվտանգային խնդիրներով և վատ կառավարմամբ։

Նա նշել է, որ ներկայումս որևէ ապացույց օտարերկրյա միջամտության վերաբերյալ չկա, ուստի նման մեղադրանքները պարզապես շեղում են ուշադրությունը իրական պատասխանատուներից։

Հիշեցնենք, որ Իրանի Հորմոզգանի հարավային նահանգի Բենդեր Աբաս քաղաքի Շահիդ Ռաջայի անվան նավահանգստում տեղի ունեցած պայթյունի և դրան հաջորդած հրդեհի զոհերի թիվը հասել է 46-ի: 1072 մարդ վիրավորվել է, որոնցից 138-ը դեռ գտնվում են հիվանդանոցում։