Թուրքիայում Վրաստանի արտակարգ և լիազոր դեսպան Արչիլ Կալանդիան իր հավատարմագրերն է հանձնել այդ երկրի նախագահ Ռեջեփ Թայիփ Էրդողանին։ Այս մասին հայտնում է Վրաստանի արտաքին գործերի նախարարության մամուլի ծառայությունը։
Վկայականների հանձնման պաշտոնական արարողությունը տեղի է ունեցել Թուրքիայի նախագահական պալատում։
Արարողությունից հետո Վրաստանի դեսպանը և Թուրքիայի նախագահը անձնական հանդիպում են ունեցել՝ քննարկելու երկու երկրների միջև ռազմավարական գործընկերությունը։
Արչիլ Կալանդիան Թուրքիայում Վրաստանի արտակարգ և լիազոր դեսպան է նշանակվել մարտ ամսին։ Նա Վրաստանի ԱԳՆ-ում աշխատում է 2005 թվականից։ 2018-2023 թվականներին զբաղեցրել է Չինաստանում արտակարգ և լիազոր դեսպանի պաշտոնը։ Կալանդիային շնորհվել է արտակարգ և լիազոր դեսպանորդի դիվանագիտական աստիճան։
Հետևեք մեզ տելեգրամում
