Ուկրաինայում համապարփակ հրադադարը կստեղծի անհրաժեշտ պայմաններ խաղաղության բանակցությունների մեկնարկի համար, և այդ հնարավորությունը չպետք է բաց թողնել։ Այս մասին Ուկրաինայի նախագահ Վլադիմիր Զելենսկու հետ հեռախոսազրույցի ժամանակ հայտարարել է Թուրքիայի նախագահ Ռեջեփ Թայիփ Էրդողանը:
Էրդողանի վարչակազմից նշել են, որ նախագահը «չափազանց կարևոր է համարում», որ Մոսկվան և Կիևը ձգտեն վերսկսել ուղիղ բանակցությունները, և որ Անկարան պատրաստ է աջակցություն ցուցաբերել այս գործընթացի բոլոր փուլերում։ Աշխատակազմից նաև նշել են, որ Էրդողանը «ուրախ կլինի» ընդունել Ռուսաստանի և Ուկրաինայի պատվիրակություններին Թուրքիայում՝ խաղաղության բանակցությունների համար։
Հետևեք մեզ տելեգրամում
